İstifadə Şərtləri (EULA)

Həmvətən mobil tətbiqi, rəsmi internet saytı və əlaqəli bütün rəqəmsal xidmətlərindən istifadə etməzdən əvvəl bu İstifadə Şərtlərini (EULA) diqqətlə oxumağınız xahiş olunur.

Müqavilənin Hüquqi Qüvvəsi və Qəbulu (EULA & Section 230)

Bu İstifadə Şərtləri və İzləyici Lisenziya Müqaviləsi ("Şərtlər", "EULA" və ya "Müqavilə") Həmvətən platformasının mobil tətbiqi, rəsmi internet saytı və əlaqəli bütün rəqəmsal xidmətlərindən (birlikdə "Platforma") istifadə edən hər bir fiziki şəxs ("İstifadəçi") ilə Platformanın sahibi olan "MirzayevFamilyLLC" (ABŞ-ın Nyu-Meksiko ştatında qeydiyyatdan keçmiş şirkət) və onun idarəçiləri (birlikdə "Platforma Rəhbərliyi") arasında bağlanmış, hüquqi cəhətdən məcburi olan ikitərəfli müqavilədir. İstifadəçi Platformaya daxil olmaqla, qeydiyyatdan keçməklə və ya Platformadakı hər hansı xidmətdən istifadə etməklə bu Şərtləri, həmçinin Məxfilik Siyasətini tam şəkildə oxuduğunu, anladığını və heç bir istisna olmadan qəbul etdiyini bəyan edir. Şərtlərlə razı olmadığınız təqdirdə, Platformadan istifadəni dərhal dayandırmalı və hesabınızı silməlisiniz.

Məsuliyyətdən Tam İmtina (CEO və Təsisçilərin Hüquqi Toxunulmazlığı & Host Provider)

Platforma Rəhbərliyi (o cümlədən layihənin təsisçiləri, CEO-su, tərəfdaşları, proqram təminatı işləyib hazırlayan heyət və könüllü moderatorlar) Platforma daxilində İstifadəçilər tərəfindən yerləşdirilən, paylaşılan, göndərilən və ya qəbul edilən heç bir məzmuna, mətnə, şəkilə, videoya, elana, hekayəyə, rəyə, habelə İstifadəçilərin bir-biri ilə olan şəxsi və ya qrup yazışmalarına görə heç bir mülki, cinayət, maddi, mənəvi, inzibati və ya hüquqi məsuliyyət daşımır.

Platforma sadəcə olaraq dünyadakı azərbaycanlılar arasında məlumat mübadiləsini asanlaşdıran texnoloji vasitəçidir (Host Provider / Communications Decency Act Section 230). İstifadəçilər Platforma daxilindəki bütün hərəkətlərinə, yazdıqları şərhlərə, sövdələşmələrinə, "Bazar" (Marketplace) bölməsində yerləşdirdikləri elanlara və ya hər hansı digər fəaliyyətə görə müvafiq ölkələrin qanunvericiliyi qarşısında fərdi və tam məsuliyyət daşıyırlar.

1. Xidmətlərin Təsviri və Zəmanətlərin Olmaması (As-Is & Limitation of Warranties)

Həmvətən Platforması dünyada yaşayan azərbaycanlıların diaspora həmrəyliyini artırmaq, networking qurmaq, yerli icma qrupları yaratmaq, GPS vasitəsilə təsdiqlənmiş mənzil, əşya və iş elanları yerləşdirmək, rəsmi konsulluq məlumatlarını əldə etmək və humanitar yardım masası vasitəsilə bir-birinə dəstək olmaq imkanları təqdim edən qeyri-kommersiya yönümlü sosial ekosistemdir.

Platforma "olduğu kimi" (as-is) və "mövcud olduğu şəkildə" (as-available) prinsipləri ilə təqdim edilir. Platforma Rəhbərliyi xidmətlərin hər zaman fasiləsiz, təhlükəsiz, xətasız və gecikməsiz işləyəcəyinə, eləcə də elanların və ya digər məlumatların 100% dəqiqliyinə dair heç bir zəmanət (birbaşa və ya dolayısı ilə) vermir.

2. Hesabın Yaradılması, SMS Verifikasiyası və Təhlükəsizlik

2.1. Həqiqi Şəxsiyyət Siyasəti (Authenticity): Platformanın təhlükəsizliyini təmin etmək üçün İstifadəçilər qeydiyyat zamanı yalnız özlərinə məxsus olan real ad, soyad və aktiv mobil telefon nömrəsindən istifadə etməlidirlər. Saxta adlar, uydurma məlumatlar, təxəllüslər və ya başqa şəxsin kimliyini mənimsəməklə (impersonation) hesab açmaq qəti şəkildə qadağandır.

2.2. SMS Təsdiqləmə: Hesabın yaradılması və aktivləşdirilməsi mobil nömrəyə göndərilən birdəfəlik SMS kodu vasitəsilə həyata keçirilir. İstifadəçi verifikasiya kodunu və hesaba giriş sessiyasını üçünçü şəxslərə ötürməməlidir. Hesabın üçünçü şəxslər tərəfindən icazəsiz istifadəsinə görə bütün məsuliyyət İstifadəçinin üzərinə düşür.

2.3. Yaş Həddi: Platformadan istifadə etmək üçün İstifadəçinin ən azı 13 yaşı tamam olmalıdır. Yaşadığı ölkənin qanunvericiliyinə görə sosial platformalardan istifadə üçün daha yüksək yaş həddi tələb olunursa, həmin yaş həddi əsas götürülür.

3. Qadağan Edilmiş Məzmun və Davranış Qaydaları (Apple Guideline 1.2 UGC Siyasəti)

Platforma daxilində aşağıdakı məzmunların paylaşılması, yayılması və ya təşviq edilməsi qəti şəkildə qadağandır:

• 3.0. Təhqiramiz Məzmuna Qarşı Sıfır Tolerantlıq və EULA Şərtləri (Apple Guideline 1.2): Platformadan istifadə edən hər bir şəxs bu EULA sözləşməsini qəbul edir. Platformada digər istifadəçiləri narahat edən, təhqiramiz, təhlükəli, zorakılıq təşviq edən, nifrət nitqi ehtiva edən, etikaya zidd və ya qanunsuz istifadəçi məzmunlarının (UGC) paylaşılmasına qətiyyən icazə verilmir (Sıfır Tolerantlıq). Hər bir istifadəçi tətbiqdə gördüyü qayda pozuntusunu və ya təhqiramiz paylaşımı dərhal postun, mesajın və ya profilin yanındakı "Şikayət et" (Report) düyməsi vasitəsilə moderatorlara bildirə bilər. Şikayət edilən məzmunlar inzibati heyət tərəfindən maksimum 24 saat ərzində yoxlanılaraq platformadan tamamilə silinir. İstifadəçilər onları narahat edən digər hesabları "Blokla" (Block) düyməsi ilə dərhal bloklaya bilərlər; bloklanmış şəxsin məzmunu və profili anında gizlədilir. Qaydaları pozan istifadəçilərin hesabı heç bir xəbərdarlıq edilmədən dərhal və birdəfəlik silinir/kənarlaşdırılır.
• 3.1. Qanunsuzluq və Dövlətçilik Əleyhinə Çağırışlar: Azərbaycan Respublikasının və İstifadəçinin yerləşdiyi ölkənin qanunvericiliyinə zidd olan, dövlətin konstitusiya quruluşuna, milli təhlükəsizliyinə, suverenliyinə və ərazi bütövlüyünə qarşı yönələn təxribat xarakterli məlumatlar, ekstremist, separatçı və ya terrorçu fəaliyyətlərə çağırışlar;
• 3.2. Dələduzluq və Maliyyə Saxtakarlıqları (Scam & Marketplace Disclaimer): "Bazar" (Marketplace) bölməsində yalan elanlar yerləşdirmək, mövcud olmayan ev və ya iş təklifləri vasitəsilə digər İstifadəçiləri aldatmaq, beh, avans və ya köçürmələr tələb etmək, şəxsi bank kartı məlumatlarını toplamaq qadağandır. Platforma istifadəçilər arasındakı maliyyə ödənişlərinə və ya saxtakarlıqlara görə heç bir məsuliyyət daşımır;
• 3.3. Nifrət Nitqi, Təhqir və Şantaj: Hər hansı şəxsi və ya qrupu milli, dini, irqi, etnik, cinsi, regional mənsubiyyətinə görə təhqir etmək, alçaltmaq, onlara qarşı düşmənçilik toxumu səpmək, hədə-qorxu gəlmək, şantaj etmək və şəxsi həyatın məxfiliyini pozmaq;
• 3.4. Kiber-təhlükəsizlik Pozuntuları: Sistemə ziyan vuracaq viruslar, botlar, skriptlər, avtomatlaşdırılmış proqramlar (crawlers, scrapers, parsers) tətbiq etmək, digər İstifadəçilərin məlumatlarını kütləvi şəkildə toplamaq (data harvesting), Platformanın infrastrukturunu yükləmək (DDoS hücumları).

4. İntellektual Mülkiyyət və Lisenziya Hüquqları

4.1. Müəllif Hüquqları: İstifadəçi Platformada paylaşdığı mətn, şəkil, video və digər materialların müəlliflik hüququnu özündə saxlayır.

4.2. Qlobal Lisenziya: Platformanın fəaliyyət göstərməsi və məzmunların digər İstifadəçilərə göstərilməsi üçün İstifadəçi Platforma Rəhbərliyinə onun yerləşdiyi məzmunları qlobal miqyasda istifadə etmək, çoxaltmaq, yaymaq, nümayiş etdirmək, tərcümə etmək və alt-lisenziya vermək üçün qeyri-müstəsna, pulsuz (ödənişsiz), daimi və geri götürülməz lisenziya hüququ verir. Bu lisenziya hesab silindikdə başa çatır (arxivləşdirilmiş hüquqi loqlar və dövlət orqanları üçün saxlanılan qeydlər istisna olmaqla).

5. Kompensasiya və Zərərin Ödənilməsi (Indemnification Clause)

İstifadəçi bu Şərtləri və ya müvafiq qanunvericiliyi pozması nəticəsində Platforma Rəhbərliyinə, onun CEO-suna, təsisçilərinə və moderatorlarına dəymiş hər hansı birbaşa və ya dolayısı zərəri, habelə üçüncü şəxslər tərəfindən qaldırılmış iddialar üzrə məhkəmə xərclərini, cərimələri və vəkil haqlarını tam şəkildə kompensasiya etməyi və rəhbərliyi bu cür iddialardan müdafiə etməyi öhdəsinə götürür.

6. Hesabın Məhdudlaşdırılması və Silinməsi (Apple Guideline 5.1.1(v) & Right to be Forgotten)

Platforma Rəhbərliyi, bu Şərtlərin və ya cəmiyyət normalarının pozulduğunu aşkar etdikdə, hər hansı İstifadəçinin hesabını və ya paylaşımlarını heç bir ilkin xəbərdarlıq etmədən, səbəb göstərmədən dərhal bloklamaq, dondurmaq və ya birdəfəlik silmək hüququna malikdir. İstifadəçi öz növbəsində tətbiqdaxili "Profil ➔ Tənzimləmələr ➔ Hesabı Sil" keçidindən istifadə edərək hesabını istənilən an dərhal ləğv edə bilər.

7. Müqavilədə Dəyişikliklər, Kollektiv İddialardan İmtina (Class Action Waiver) və Məhkəmə Aidiyyatı

7.1. Birtərəfli Dəyişiklik: Bu Şərtlərə istənilən vaxt birtərəfli qaydada dəyişiklik edilə bilər. Yenilənmiş Şərtlər Platformada yayımlandığı andan qüvvəyə minir.

7.2. Kollektiv İddialardan İmtina (Class Action Waiver): İstifadəçi Şirkətə qarşı kollektiv və ya kütləvi (Class Action) iddia qaldırmaq hüququndan rəsmən imtina edir. Bütün iddialar yalnız fərdi qaydada araşdırılır.

7.3. Aidiyyatı Məhkəmə: Bu Şərtlərlə bağlı yaranan hər hansı mübahisə Azərbaycan Respublikasının qanunvericiliyinə və ya Şirkətin qeydiyyatda olduğu müvafiq yurisdiksiya məhkəmələrinə əsasən həll ediləcəkdir.